Senjata makan tuan

Komunitas WawaLuhan

Bismillaah.. Findi pop action

Senjata makan tuan

Nini:ui tuh ikam hakunlah kubari duit..

Utuh:siapa nang kada handak duit,nyataai hakun..

Nini kulimbit landu: hari raya ni cucu wan anakku cagar datangan mulai jawa,aku bapadah sudah balaki wan anakku, nikah siri jarku,jadi buahannya hari raya ni handak kabanjaran salajur malihat lakiku..

Utuh:apa hubungannya wan aku..

Nini kulimbit landu:ikam pura pura jadi lakiku,satiap ikam mangiyau aku sayang ku bari 10 ribu..

Utuh:beuh gila lalu aku disuruh jadi laki pithecantropus erectus, tapi ayuha malaran duitnya gasan nukar baju hanyar..

(Singkat kisah datangan anak wan cucu nini kulimbit landu, baupang banar nini wan utuh)

Ipau:masra banar mama wan abahlah..
(Himung malihat kuitan)

Utuh:(dalam hati) beuh gila lalu aku dikiyau abah,saurang tuha pada aku..(Sarik)

Nini kulimbit landu :ngarannya haja pangantin baru ka utuh lah..(Ungah)

Utuh:(dalam hati) tulin saraf lalu,aku dikiyau kaka,saurang saumur dua dinusauros.. Iyaai sayang,sayang, sayang,sayang,sayangkuai..

Nini kulimbit landu :(takalipik,dalam hati)banyaknya bakiyau sayang,asli 50 ribu malayang saangkatan sakali bapandir hadangan nih..(Manciling)

Utuh:(mambisiki)ingatakan hutang 50 ribu sudah,5 kali aku bakiyau sayang xixixixi..

Nini kulimbit landu:(dalam hati)curut maakal banar gitar angin nih..

Acil abar:hehehe rupanya sayang banar abah wan mama,manyambat sayang sing banyakkan,asa hiri nah..

Nini kulimbit landu :makanya aku ni nakkai mamilih utuh ni jadi abah ikam,padahal banyak nang marabutakan uma ikam ni..(Baagak)

Utuh:(dalam hati)umaa bilang liwar bakaramput kulimbit kumal nih..

Nini:cinta banar kalu abahnya ikam wan aku..(Maagaki anak batakun wan utuh)

Utuh:tantu dung sayang,sayang,sayang,sayang,oh sayang,sayangku..(Racap bakiyau kasampatan)

Nini:(takalipik,dalam hati)bunyulnya utuh ni banyaknya bakiyau sayang sakali manyambat ma 6 kali,asli 60 ribu pulang lingai..(Luruh bulu hidung)

Utuh:ui anak anakku,aku handak mambuktikan cintaku wan uma ikam ni..(Badiri di hadapan anak nini)

Idup:himungnya mandangar buktiakan ha bahhai..

Utuh: aku cinta padamu ,sayang,sayang sayang..( Sampai 200 kali)

(Tajarambab nini mandangar)

Ipau: kanapa ma tajarambab,ciee mama kahimungan mandangar abah baucap sayang saking cintanya..

Nini:(dalam hati)rebeh lalu himung nangapa 2 juta tungauai duitku saangkatan malayang, 10 ribu kali 200..

Utuh: aku handak..(Handak pulang)

Nini:satup satup,sudah tuhhai habis tabungan ayamku mun ikam baucap sayang tarus..

(Masuk kakamar maambil tabungan ayam,manjurung ka utuh,himung banar utuh hancap bulik)

Ipau:kanapa kisahnya ni ma, kada paham aku nah (bingung)

Nini:(lamah bapandir)aku bakaramput balaki utuh,bila utuh mangiyauku sayang sakali 10 ribu kubari,sakalinya di akalinya racap mangiyau sayang,asli habis tabungan 3 tahun saangkatan..

(Tajarambab barataan anak anak nini kulimbit landu mandangar pangakuan umanya,sementara dijalanan ampah bulik utuh maka himung banar)

Utuh:hahaha jara kada reng sehar kana sanjata makan tuan gkgkgkgk...

(Tatawa banar utuh,nini kulimbit landu maka taungut di higa ranjang mangganang tabungan habis)

Inggan situ dulu

Penulis

Fendi ramanda