Utuh wan amat menggumbal part II

Komunitas WawaLuhan

18 November

Bismillaah..findi pop bakisahan

Utuh wan amat menggumbal part II

Di taman ungut ungutan utuh wan amat dudukan,muha pina habang

Utuh:asli kada manyangka nyangka katahuan balang kita matlah..

Amat:salah kita jua tuhhai,baagak pandiran tapi garubak pintul wan garubak cindul dadagangan kita dihiga awak iya daur acara..

Utuh:iih maka pakaian kaya kantut,batupi purun,pandiran kisah sugih kalu lingu..(Hanyar sadar)

Amat:isuk kita pakai baju hanyar haja tuhhai,garubak dagangan andak jauh pada awak,kita cari ciwi seksi kita agakki pulang,nyata dapat..(Cemungut)

Utuh:wah ide mantap,uki....(Hati bakambang kambang)

(Isuknya utuh wan amat pakai baju hanyar tulak ka taman,garubak dagangan di andak jauh pada awak,dipinggir jalan)

Amat:tuh ada ciwi ba tiga,wah siip ni..

Utuh:akay akay akay,siksi banar..(Baliuran)

(Pas buahannya dudukan langsungai pina agak pandiran)

Amat:tuh,payulah sudah ikam jual intan nang ditukar di pandulangan nang harga 3 milyar tu..(Mata manyirit)

Utuh:balum mattai,handakkai ku jual ,tapi asa sayang,batumpuk pulang kaina duit,bingung manyimpannya dimana..(Agak)

Amat:bujur jua pang,nang ada haja sing banyakan tuhlah..

Utuh:iya am, tapi jadiai kalu kita nukar kapal pesiar sebuah saurang gasan hadiah binian yang kita kawini kaina..

Amat:jadiai,cuma aku bingung tuhhai,siapa nang cagar kita ambil bini ni,calun kadada lagi nah..(Nganga nganga)

(Kada lawas gadubussan bukahan binian batiga tadi baparak)

Binian 1:wan ulun haja ka lah,ulun hakunai jadi bini pian..(Maupangi amat)

Amat:(takalipik)akayy bujurankah ding..(Himung)

Binian 2:ulun jadi bini kaka ini haja gin,sama pada sugih jua..

Utuh:hehe uh jalas,apa nang kada gasan ading ni..(Mancium)

Binian 3:ulun jadi bini anum siapakah hakun haja,asal jatah sama rata ha..(Hungang)

Amat:jadi bini anumku haja gin..

Utuh:kada kawa mattai,aku tek dos sudah..(Sarik)

Amat:beuh maulah kaya itu,aku tajantan sadikit,kawa haja manggilir sakali badua..(Bangang)

Utuh:beuh pina musti kita bagapuk haja nah..(Manantang)

Amat:gasak..

(Langsung bagudar marabutakan nang calun bini anum nang masih kada pasti)

Binian 1:(takalipik)akay bakalahi kakanya..

Binian 2:siapalah nang manang yu..(Malah katuju)

(Kada lawas,datang satpol pp maangkuti garubak buahannya,baandak di pinggir jalan)

Binian 3:ai garubak pintul wan garubak cindul siapa tu diangkut dalam truck)

(Utuh wan amat nang bagudar ranai balalauan,bacacangangan)

Utuh:ai garubak pintulku diangkut pol pp..

Amat:ai iih garubak cindulku diangkut pol pp jua..

(Balaluan manyasah,sing lajuan mutur trucknya bajalan)

Utuh:waduuh gilanya,kaya apa bajualan ni,diangkut pol pp garubak dagangan kita mattai..

Amat:asli lingu,matiam usaha,salah aturan baandak di jalan nang kada bulih badagang..

Binian:hahaha sadang kalakuan pandiran harat,sakalinya tukang jual pintul wan cindul..

Binian 2:gkgkgkgk liwar kalakuan,ui buus kapal pesiar pian diangkut dalam truck tuh hahaha..

Utuh:(takalipik)akay dihapaknya..

Binian 3:pina agak pandiran ,sakalinya parai hahaha..

(Bajauhan biniannya,taduduk badadua)

Utuh:lingu lalu sial bangat hari ini,biniannya kada dapat,muha bangkak bagapuk papadaan,garubak pintul maka diangkut urang..

Amat:aduuh,supan tadua kali kita tuhhai,ini tambah bangat,muha babiru biru,garubak cindul lingai,dapat ciwinya kada,ganii tuh bacari jurang aku handak tajun bujuran,liwar supan aku..

Utuh:indah aku,ayuha ikam aku kada handak mati jadi hantu..

Amat:akayy hahh nasib nasib..

(Sakali sudah sial kada jara jua lagi,iya tambah sial)

Inggan situ dulu mudahan terhibur

Penulis

Fendi ramanda