Misteri di warung jablay

Komunitas WawaLuhan

14 November

Bismillaah.. Kembali findi pop menghadirkan kisah cinta,di kemas dengan cerita horor

Misteri di warung jablay

(Suatu hari di pos jaga)

Abah ijum:aku mandangar habar di dipinggiran jalan raya parak kampung manggis, hanyar buka warung, panjaganya bungas bungas buahannya ai jar..

Amat:nah iya kalu tuh,si kimpus mandangar jua habar netu,ku kisahakan kada parcaya..

Abah ijum:(dalam hati)curut kada tatahu muha manyambat urang kimpus amat nih..

Utuh:panasaran aku nah,ayu kita kasanaan yu..

Abah ijum:waah ukii..

Amat:mantaaap,ayu puus..

Abah ijum:(takalipiky)gilanya mulai tadi kimpus kimpus,tahuai aku muha kimussai..(Sarik)

Amat:(takalipik)beuh mambalas tulang fosil nih..

(Tulakan langsung buahannya batatiga,pas sampai liwar takajut)

Abah ijum:ubuy ubuy ubuy banyaknya urangnya..

Amat:homa babuahan batang laban bahabis nang diwarung..

Utuh:beuh iya am ni,uii ada rajia ada rajia..(Bakuciak)

Pengunjung 1:ai iyakah,ayu buahannya bukahan..

Pengunjung 2:beuh napa nang dirajia, tapi umpat bukahha jua,asa rami..(Hungang)

(Bukahan bahabis urangnya)

Aluh:(takalipik)waduuh balum babayarnya..

Lina:beuh pancangan bangkrut bandar ni..

Vanessa:sudahlah ini kada rajaki kita..

Amat: hai ciwii aa tampan datang nah..

Lina:wew bujuran tampan ni hahay..(Kijip kijip)

Utuh:hai ciwi, ngaranku utuh,siapa pian nang mining banar ni muha hehe..

Vanessa:hmm ulun vanessa ka ai..

Abah ijum:wew ayang saikung ni pang siapa ngaran..

Aluh:(dalam hati)waduuh dapat nang sisa,lalu kurukkai pasangan,ulun aluh beibh..(Takicing)

Vanessa:(takalipik,mambisiki)homa luh nafsu banarkah ikam wan nang tuher,sampai bakiyau beibh..

Aluh:(mambisiki)curut nafsu nangapa,kadada lagi nang lain,paksaai di embat nang ada..

Vanessa:iyaakah xixixixi..

Amat:ading lina,kanapa yu langit ni pina mendung..(Bahigaan duduk)

Lina:nah kada tahu ulun ka ai..

Amat: sebab kecerahan ada pada wajahmu sayang..(Mangibit dagu)

Lina:wew so sweet..(Himung)

Abah ijum:ayang aluh,rambut pian benar benar nang kaya bintang iklan shampo,kanapa bisa kaya itu yang..(Manggumbal)

Amat:(manyahut)sebab hubannya sudah takumpulan di kapala pian kai ai..

Abah ijum:(takalipik)saraf amat nih,urang manggumbal inya nang manyahut..

Aluh:xixixixixi..

Abah ijum:baasa yanglah, ui yang wajah pian bagai rembulan,bulihkah aku memilikinya..

Amat:(manyahut)indah ulun kai ai ,sualnya muha pian bagai kerikil kerikil tajam..

Aluh:hahahaha..

Abah ijum:gilanya amat nih,kita bakalahi haja sudah..(Sarik)

Amat:hehehe bagaya abah ijummai..

Lina:kada bulih bakalahi kaina jadi warik..

(Imbah itu datang lakian badua)

Pengunjung 1:say kopilah..

Pengunjung 2:aku energi drink..

Aluh:ukii,buahan ayang batiga ni pang minum apa,susukah..(Maulahakan)

Abah ijum:parahakan ha sayangai..

Aluh:(takalipik)akayy..

Pengunjung 1:(dalam hati)gilanya tuha tuha malanji ,lirikanku di rayu..(Sarik)

Utuh:ading vanessa,mimang ini terlalu lakas di ungkapakan,tapi lakas atau lambat, yang ka utuh rasa sama haja,ka utuh terpesona wan pian dingai..

Vanessa:hmm ka utuh raja gumbal..

Utuh:kada sayangai,ka utuh ngumung apa adanya..

Vanessa:(dalam hati)hmm lelaki ini bungas jua,tampan bersahaja..

Utuh:maukah ading jadi pacar ka utuh..

Vanessa:iyaa ka..(Marabahakan kapala di bahu utuh)

Utuh:yes yes makasih ading..

Pengunjung 2:(dalam hati)gilanya dapatnya sudah lirikanku,aku maka am badahulu mamaram ,tabalik nang parai,sumpah kada tarima aku..(Dendam)

(Masing masing manggumbal, urang nang di higa maka am manyimpan rasa kada katuju,kada lawas)

Utuh:ayu mat kita bulikan,malam esok kita kasinian,malam ini saruanan kalu wadah rt,isuk auran,malam isuk haja kita kasini..

Amat:ukii..

Abah ijum:berapa yang samuaan..

Aluh:berapa jar vanessa..

Vanessa:gasan buahan pian batiga,gratis haja ka ai..

Abah ijum:jangan,nah ambil ha..(Manjurung 100 ribu)

Amat:ambil ha dingai,si kimpus lagi cair imbah bajual tanah..

Abah ijum:(takalipik)mauk amat nih,kimpus kimpus,tapi hehe bujur pang aku lagi cair..(Himung baagak)

(Bulikannai buahannya)

Pengunjung 1:apa apaan buahan ikam ni, kami sudah lawas naksir di tulak tarus..

Pengunjung 2:pukuknya kami kada hakun ikam pacaran wan nang lain..

Lina:haw tasarah kamiai,pina kabungasan manangati kami,muha kaya balik cat..(Sarik)

Aluh:tahu,siapa jua nang handak wan situ ,tasarah kamiai..

Vanessa:sudah sudah..

Pengunjung 1:ayu coy..

(Balaluan maambil ka minyak gas,manutup ka lawang,dikuncinya)

Vanessa:ai apa apaan ni..

(Disiramnya lawang dinding pakai minyak gas,langsung dicucul,imbah itu bukahan buahannya,api langsung ganal)

Aluh:(bakuciak)tuluuung tuluuuung..

Lina:(bakuciak)apiii apiii..

Vanessa:tuluuung apiii..

(Nang lalu langsung mancuba manulungi,tapi kadada yang waninya baparak,akhirnya matian buahanya batiga hangus tabakar ,hanyar datangan pamadam,dibawa jenazah nya ka rs,malamnya imbah saruan bulik karumah utuh,imbah itu handak turun pulang ka tanah)

Utuh:ma ulun handak ka pos jaga dululah..

Uma utuh:kanapa nak pina galisah haja uma lihat..

Utuh:kada tahu jua ma ai,hati rasa kada nyaman haja mattan bulik bajalanan tadi..

Uma utuh:sudah sambahyanglah tuh..

Utuh:sudah ma ai,ulun turun dulu ma lah..

Uma utuh:ayuha nakkai,nak bila hati galisah baingat wan Tuhan,sebab was was biasanya adalah tiupan syetan..

Utuh:enggih ma..

(Imbah mancium tangan kuitan,maucap salaam langsungai tulak kapus jaga,imbah sampai)

Amat:haw kanapa tuh pina galau..

Utuh:kada tahu jua aku mattai,rasa galisah aku..

abah ijum:sama tuhhai,awak ni asa bapaluhan haja,hati rasa kada nyaman..

Amat:sama jua aku kaya itu jua,nang taganangku malah buahan lina di warung..

Abah ijum:ikam malihatlah,lakian badua nang waktu kita disitu pina kada katuju malihat kita..

Utuh:iih abah ijummai aku malihat jua..

Amat:kita datangi haja nah buahannya, aku gair kalu ada apa apa wan buahannya..

Abah ijum:malam sudah bukalah masih..

Utuh:ayu kita cubai,mudahannai buka haja masih..

(Tulakan buahannya,hari pina marimis,tiba tiba)

Anjing:auuuuuuuuuuuuung hooooong guk guk guk..

Burung hantu:krukuk krukuk krukuk..

Amat:haw pina seram tuhlah,abah ijumlah suasananya,marinding aku nah..(Marinding)

Abah ijum:iihlah kada biasanya..

Utuh:jangan dipikirakan kaya itu,tarus haja bajalan..

(Kada lawas sampai buahannya)

Utuh:tu buka ai warung buahannya..

Amat:iih,tapi pina kirip lampu..

Abah ijum:ayu pang kita paraki,buahannya malihat kita tapi kada mangiyau,pina hinip..

Utuh:iih abah ijumlah,pina kada kenal wan kita,ayu..

(Peristiwa tragedi telah membakar jiwa aluh,lina,dan vanessa,lalu siapa nang dilihat buahannya,nantikan kisah selanjutnya hanya di kowa)

Mun dikatujui,kusambungakannai ke season selanjutnya

Insya Allah ku penuhi haja tunggal butingan permintaan buahan pian,asal kumint diatas seratus wan rajin me like,ini sabuting dulu

Penulis

Fendi ramanda