Bismillaah.. Kembali findi pop hadirkan kelanjutan kisah misi penyelamatan
Expendables kowa part II
(Pasukan garumbulan mulai berdatangan, buahan expendables kowa siapp siapp berperang)
Nini kulimbit landu:(bakuciak) amakay,tut tut tut tut tut tut..(Manimbak banar)
Musuh 1:awas tiaraaaap...(Batingharapan)
Musuh 2:gila netu ada rambo di tim buahannya..(Marma)
Musuh 3:rambo nangapa,awaknya landur barataan..(Takicing)
Musuh 1:pina batato pang tangan,gambar tangkurakkah gambar kapala haruankah,bingung mamastiakan,kulimbitnya takarucut,gambarnya talipat lipat..(Hungang)
Nini kulimbit landu:(badiri bakuciak) amaaaakaaaay,tut tut tut tut tut tut.. (Manimbak,matian musuhnya)
Musuh 1:akh..(Mati)
Musuh 2:adaaw..(Mati)
Musuh3:aaaaaakh..(Mati)
Utuh:mantap ih nini kulimbit landu hahaha,awas mat,tum tum tum tum..(Manimbak pakai pistol)
Musuh 4:aaaaakh..(Mati)
Amat:siip komendan,ciaaaaaat..(Manawakakan lading)
Musuh 5 :adaaaaw,crush aaaaaaaakh..(Kana gulu,jiun)
Abah ijum:pap prapap,beuh kampap sinapang,kanapa ni..(Manguncang ka sanjata)
Musuh 6:sikat nang buyyit kimpus netu,tut tut tut tut..(Manimbak)
Musuh 7 :ukiiii,tut tut tut tuh..(Manimbak)
Abah ijum:(takalipik)gila manimbakiku inya ,tiarap..(Batingharap baguling guling)
Udin:tanang abah ijum,nah ambil..(Manawakakan granat)
Boooooooooooooooooom
Musuh 6:aaaaaaaaaakh..(Mati)
Musuh 7:akh..(Mati)
Abah ijum:ukiii din,gila baisian sinapang,handak di pakai kampap,puuuh puuh..(Maniup kaluang)
Nini kulimbit landu:prapap pap pap,beuh kahabisan pilur..
Musuh 8:uiii sabut nyiur,sini lawan aku,sama sama habis pilur,kita duel..(Manantang)
Nini kulimbit landu: gasak,sini ikam..(Malapas ka sinapang,mamacul ka tapih nang carik)
Musuh 8:(takalipik)waduuuh salawar katuk kain tapung..
Nini kulimbit landu:jangan banyak cingcung,ciaaat,baak..(Manyipak)
Musuh 8:ai bisa juakah manyipak,ku balas ikam,hiaaat..(Manyarang)
(Balaluan bagudar,pas ada kasampatan diigut nini kulimbit landu,buyyit musuh)
Musuh 8:addddaaaaw,gila nini nih kalahi baigut..(Maarit)
(Pas rahatan pusut pusut kabuyyit,dicucuknya ulih nini kulimbit landu,pakai lading rambo)
Nini kulimbit landu: rasakan ini,cuuk,crash..(Tambus)
Musuh 8:aaaaaakh..(Mati)
Nini kulimbit landu:hehehe,imang inak,ai mana gigi palsuku..(Abut mancarii gigi pacul)
Utuh:ada apa landu..(Mamaraki)
Nini kulimbit landu:gigi palsuku hilang,akay tu inya,balikit di buyyit musuh..(Maambil ka gigi)
Utuh:(takalipik)homa,rungkang buyyit musuh di ukangnya hahaha..(Mangakak)
Nini kulimbit landu: lacha chitu,meuh gigi ku di basuh dulu..(Pina kilum bapandir)
(Datang abah ijum)
Abah ijum:komendan kanapa sinapangku kampap kada kawa di timbakakan..(Manjurung)
Utuh:beuh iya garang..(Mamariksa)
Udin:siip habis musuh kita babat..(Bagabung)
Utuh:cucuk tabawa,nang rusak pian abah ijummai..
Abah ijum:(takalipik)curut baisi komendan,surang nang manjurung sinapang nangini,lapah lapah kamari,batimbaknya kada,spesial baguling guling haja ditanah mahindar urang manimbak,asli gagilaan..(Sarik)
Udin:untung ada aku nang babawaan granat,jaka kada pancangan jiun abah ijum..
Utuh:yang panting samuanya sudah biris,kaya apa mat,ada musuh nang datang pulangkah..
Amat:aman komendan,sudah ku tarupung,kadada pang,mun binian mandian di batang ada..
Abah ijum:wew iyakah mat,umpat manarupung pang mat..
Nini kulimbit landu:beuh ikam tu abah ijummai,biar tarupung bintang,tatap kada jalas pandangan,mata rabun sanja sudah,wan kaur kaurnya..(Mahapak)
Abah ijum:(takalipik)curut balaluan mahapak ha kapur barus ni..(Masam)
Utuh:ayu kita come back..
Pasukan:(siapp komendan)
(Bulikan buahannya,pas ditangah jalan,nini kulimbit landu yang bajalan pandudian,di tukupnya muntung ulih musuh,dibawanya kamarkas buahannya,hanyar di jarat di tihang markas,hanyar mahadap)
Anak buah 1:lapur komendan..
Boy: ooh kaya apa penyergapan buahan penyusup tadi..
Anak buah 1:maaf komendan buahan pasukan kita nang mengepung jiun barataan..
Boy:gilaa,satu regu pasukan kita jiun barataan..(Marma)
Anak buah 1:iyaa komendan..
Anak buah 2:tapi jangan kaciwa dulu komendan,tadi kami berhasil menangkap salah satu pasukan buahannya..
Boy:ooh ciwi apa batang laban..
Anak buah 2:ciwi komendan..
Boy:hehehe bagus bagus,dimana buahan ikam tahan..
Anak buah 1: ditihang markas kita komendan..
Boy:buahan ikam capat bawa tawanan netu ka kamarku,jarat di ranjang,aku handak maadon,lawas parai hahahay.. (Himung)
Anak buah 2:(takalipik)tapi komendan..
Boy:ayu kerjakan,jangan mangganggu kasananganku, aku handak minum jamu tangkur dulu,biar kuat maadon..( Maambil jamu)
Anak buah 1&2:siaap komendan..
(Langsung manjalanakan tugas,imbah maikat di ranjang kaluarannai)
Anak buah 1:gila komendan kita,wan nang landur netu hakun hajalah..
Anak buah 2:biasa kadada rotan akarpun jadi,kadada nang kancang nang lanjutpun jadi hahahaha..(Mangakak)
Anak buah 1:maka bajamu tangkur komendan boy hehehe..
Boy:kaya apa sudah disiapakan lapangan nang cagar kuturuni..
Anak buah 1&2:siaap komendan..
Boy:mun handak mahintip cari ha luang di dinding hahaha..(Mangakak,sambil bajalan)
Anak buah 1:xixixixixixi..
Anak buah 2:hahahaha..
(Imbah sampai dimuhara lawang)
Boy:akay akay akay rasa malam pertama pina gugup aku,anak buah banyak nang jiun ini pasti siwaan fendi pasukan nang manyarang tadi,tapi ini pembalasanku,anak buahnya ku adon gkgkgk..(Masukai)
(Pas ka dalam malihat nang barabahan,tabubunciling kapala gerombolan si boy)
Boy:(takalipik)HOOOMAA nangitukah nang ditangkap buahannya,ini tulang fosil manusia purba,gila kada kawa di adon adon..(Hancap kaluar)
(Mangiyau ka anak buah)
Boy:plak plak plak plak..(Manampiling 2 bakas saurang)
Anak buah 1:akay,akay..(Bapusut ka muha)
Anak buah 2:akiit akiiit..(Kujul kujul)
Boy:saraf lalu,puhun japuk disurung gasan aku,gila nang kaya netu maka di tangkap..(Sarik)
Anak buah 1:maaf komendan,nang itu haja nang ada..
Anak buah 2:tapi lumayan komendan,dari pada upaw..(Hungang)
Boy:apaa ,baaak..(Manyipak)
Anak buah 2:akay akay akay,akiiit..(Kujul kujul)
Boy:lapas nang ada tu,bahujung mati jantungan inya,produk espait netu di tangkap mamauki haja..
Anak buah 1&2:siaap komendan..
(Nantikan kisah selanjutnya hanya di kowa,mun banyak yang like wan kumint langsung ku ulahakan sambungan gadis misteri)
Penulis
Fendi ramanda
0 komentar:
Posting Komentar