Piragah sugih
Lawas buahannya madam,pas hari raya bulikkan kakampung,batamu di pos jaga
Utuh: Amat,udin hahaha lawas kada batamu kita ,wah pina keren barataan panampilan wayah inilah ..
Amat:biasa haja tuhhai jadi pengusaha sowang wayah ini,jual beli mobil..
Utuh:umalah mantap tu, ikam pang din bagawi apa wayah ini..(Baagak)
Udin:manyiwaakan tongkang haja gasan perusahaan baangkutan batu bara..(Kada kalah agak)
Utuh:wuiih cair banar tu lah..
Udin:kada jua ah biasa haja, ada kalu sa m sabulan kacakkan..(Batingkat agaknya)
Amat:mantap tu dinnai,aku bajual mobil kada tapi banyak mun sabulan tu 3 milyar kalu hujungannya..(Tinggi banar agaknya)
Utuh:(takalipik)uma ganal banar kacakkan,aku bajual helikopter haja pang, mun 1 triliyun adalah kacakkan sabulan..(Maginnyaai raja agak)
Udin:uma sugih banar ikam tuh lah,ingat banar bahari paling sakit kita dikampunglah hahaha,wayah ini jadi milyadir barataan hahaha..
Utuh:naik apa ikam tadi bulik kampung mat..
Amat:(gugup) ta ta di naik ferrari tapi bakalahi aku wan pacar,galau aku ni,kubuang muturku ka banyu..
Utuh:uma ferrari haja di buang,ikam pang din..
Udin:(sama gugup) a a aku tadi naik mercy pas habis bensin di jalan kubariakan wan tukang bica muturnya,baujik aku bulik kakampung ni..
Amat:ikam pang tuh pakai apa kasini..
Utuh:(sama panyakit) a A aku tadi ba helikopter ka sini,pas malihat pengemis,maras aku nih,kubariakan nai helikopternya..
(Pas rahattan bapandiran datang tukang kredit panci,si utuh tahutang panci,udin tahutang rinjing, siamat tahutang ember)
Tukang kredit:ui tungau, takumpulan disinilah barataan,sama pada kada sing bayaran kreditannya,kukira bulik kampung kawa bayar, batamuku bukah tarus..
(Braak bukahan barataan asing asingnya kada katanahan,rupanya baagak sugih haja padahal sama pada kayap,bulik kampung sama pada parai)
Tukang kredit:(bakuciak)ui bukahan kamana ui,awas mun kada bayar,sampai ka kalambu kusita barang buahan ikam..
(Batitinggian agak haja )
Pesan:lebih baik kita hidup sederhana apa adanya,dari pada hidup pura pura kaya penuh sandiwara,alangkah sangat memalukan
Inggan situ dulu
Fendi ramanda
0 komentar:
Posting Komentar