Batatangguhan

Komunitas WawaLuhan

28 Juni ·

Bismillaah..dari pada sunyi findi pop mahibur pulang nah
Batatangguhan
Utuh: acil usang nukar hintalu pang..

Acil usang: Beuh baduit juakah tungau nih,bila bahutang kusambalih..
Utuh: Nyata haja ah,ai cil pina bakukus dapur ajin kumpur maladak (pina nahap muha)
Acil usang: (Takalipik)iya garang tuh,pina kadada kukusnya,cubaam malihati..(Kada yakin)
(Pas acil usang kadada,diitunginya samuaan hintalu acil usang,imbah tuntung babulik ka tampat baasa)
Acil usang:ikam mandustai akukah,kadada kumpur maladak (liwar sarik)
(Handak mahantup utuh acil usangnya,ditahannya ulih utuh)
Utuh:sabar cil,Kaini haja mun pian handak mamukuliku aku rila,duit didumpitku ni ambil ha barataan tapi kita batangguhan..
Acil usang:batangguhan apa tungau..
Utuh:aku kawa manabak jumlah hintalu pian, bila salah pukuli ha ulun,ambil duit ulun samuaan di dumpit, tapi bila kalah ulun tinjak buyyit pian 3 kali wan hintalu pian samuaan gasan ulun..
Acil usang:beuh gasak,gatal sudah tangan handak mahantam ikam, ayu berapa biji hintalu di warungku ni samuaan..(Himung cagar manang)
Utuh:62 biji samuaan,itungi ha..
(Hancap acil usang mahitungi,pas itungan tarakhir lamah lintuhut acil usang..)
Acil usang:ai lingunya bujur sakalinya..
Utuh:hahaha bungkusakan samuaan hintalu pian, wan surung buyyit pian..
(Lamah urat acil usang mambungkus hintalu,habis gasan utuh,basurung buyyit acil usang, ditinjaknya ulih utuh buyyit acil usang tajungkang sidin,sampai 3 kali mamusut banar ka buyyit)
Utuh:hahaha aku manang (bulik utuh)
Acil usang:aduuh akiiit,ingkal buyyit ditinjak naga,hintalu habis maniga rak,gila am sial banar aku hari ini..( Manggarung manangis)
Sahungang hungangnya utuh masih ada haja kapintaran,saganal ganalnya awak acil usang kawa haja dibunyuli utuh..
Inggan situ dulu,salaam ramadhan
Penulis
Fendi ramanda