Lumba karung
Pa rt:ayu siap siap peserta lumba karung, amat,udin,utuh,abah ijum, nini kulimbit landu,wan acil usang
(Basusunai buahannya,mangasak ka karung,sambil manunggu aba aba gagarunum barataan)
Abah ijum:jalas aku nang manang,berhubung saingan kuat,paksa aku manggunakan ilmu bahari,ilmu maringankan tubuh,wan jurus luncat indah hahay..
acil usang:pina musti baisi ilmu, bajalan diatas jambatan gantung haja manggatar lintuhut,bibir biru,huban cagatan saking gairnya kalu gugur,handak manggunakan jurus luncat indah maangkat cupu haja babaya kawa asam urat stand bye..
Amat:hahaha bujur tu cillai,umur sudah tuher bajalan bakaraut maka handak haja masih umpat lumba balap karung..
Abah ijum:(takalipik)lingunya mahapak banar,usang ni kisah fit kundisi,awak gabau kaya karung nangka ,kolesterol barantuk,gula darah tinggi tatiga kali luncatan gin manggah nini..(Menyengkeng)
Acil usang:bunyulnya kimpus ni mambalas inya..(Masam muha)
Nini kulimbit landu:kada usah tapi abut,jalas nang manang aku,awak ideal,baluncat jalas harat,kundisi uki baik bakalah buahan ikam..
Udin:liwar pede kapur barus ni,diganang tulang tuha sudah,bajalan haja awak ba ringtune bagisikan tulang cupu ,kaluar nadanya,panjanak bahumbayang liwar kaur sudah hahaha..
Utuh:hahhaaha purun udin ni wan mantan,tapi dasar bujur pang niai,dari pada runtuk kaina tulang,lapah panitia mangumpulakan nang paculan baik kada usah umpat lumba gin gkgkgkgk..
Nini kulimbit landu:(takalipik)saraf bujur,akui ha ketangguhanku kada usah mahapak banar..
Pa rt:ui puwer ranger lakasi siap siap,nangapakah diabutakan,siaaaaap 1,2, 3...
(Hancap baluncatan buahannya,kada lawas,tasungkam nini kulimbit landu)
Penuntun:gerrrrr hahaha..
Nini kulimbit landu:akay akay akay pinggangku,tajajak nangapa tadi yu dalam karung pina ngalih bajalan..
(Malapasai ka karung,tatawaan panuntun)
Panuntun:hahahaha..
Nini kulimbit landu:saraf tapihku taluluy..
Pa rt:dasar lingu umpat lumba karung batapihan iya lingai,uiii buuus salawar katuk siapa di pakai..
Nini kulimbit landu:(takalipik)salawar katuk abah ikam hantuai,sudah dirundung duka,malah dihapaknya..(Bajalan bakapinggir)
Panuntun:ayu,ayu....(Memberi semangat)
Utuh:laju jua abah ijum ih,beuh pancangan kalah ni..(Maambil ka paku picik imbah bamandak,hanyar ditimbainya)
Abah ijum:(pas tajajak,kujul kujul)akay akay akay,batisku tajajak paku picik,ui panitia lingu,kanapa arena ada paku piciknya..
Pa rt:(takalipik)beuh iyakah,rasa dibarisihi sudah tadi..
Abah ijum:panitia gila,timbul kalah haaku..(Bakapinggir jua)
(Amat pas handak mambalap acil usang)
Acil usang:sabar wal,baaaaak..(Manggipak)
(Takipai amat,takalubut karung)
Panuntun:hahahaha...(Mangakak)
Amat:bunyulnya batang jamban tu digipaknya aku,beuh timbul kalah..
(Udin handak mancuba mambalap acil usang)
Acil usang:din din,tu duit siapa 50 ribu..
Udin:ai mananya,duit ku tu..(Nganga nganga manjanaki)
(Utuh wan acil usang baparakan,pas acil usang handak finish)
Utuh:haw ada lee min hu..(Bakuciak)
Acil usang:mananya tuh..(Bamandak)
Utuh:(finish)hahay manang aku..
Acil usang:(takalipik) beuh diwaluhinya aku..
Udin:lingu badak nih,aku didustai,kadada duit,curut lalu..(Sarik)
Acil usang:muyakkah..(Kada tatahu muha)
Pa rt:pemenangnya utuh..
Abah ijum:beuh si kantut nang manang,sudah kalah aku,batis makaam tacucuk paku picik asli sial lalu..
Nini kulimbit landu:gara gara tapih karamatku pang timbul aku kalah,tabalik asam lumuan nang manang..
Warga:hahahaha..
Akhirnya utuh memenangkan lumba karung
Dirgahayu ke 70 merdeka
Penulis
Fendi ramanda
0 komentar:
Posting Komentar