Jangan jadi penjilat
Uma utuh:nak ikam mulai hari ini bagawi dikantur nang ditarima waktu malamar kalu..
Utuh:enggih ma,muhun nasihat dika,mudahan bermanfaat gasan ulun..
Uma utuh:bagawi sabaik baiknya nakkai,panuhi kawajiban nang sasuai profesi ikam,dan jangan sakali kali barbuat curang..
Utuh:inggih ma, ulun tulak dulu, assalamu'alaikuum..(Mancium tangan)
Uma utuh:wa'alaikuum salaam..
(Imbah sampai dikantur)
Udin:ui curut,ikam ditarima bagawi juakah..
Utuh:alhamdulillaah kawannai..
Amat:tu ngarannya udin,aku amat,bulih parcaya bulih kada dalam 3 bulan ini aku nang naik pangkat..
(Bagawiai buahannya)
Direktur aditz pratama :buahan ikam batiga nang hanyar jadi karyawan disini,udin selesaikan proposal penawaran lelang ini,dan jangan salah manulis nilai pagunya,paham..
Udin:paham pa..
Direkturr aditz pratama :amat,ikam kunjungi lokasi proyek yang bakal dibangun,ukur pelajari proyek yang ditawarkan itu,dari nilai penawaran apakah bakal menguntungkan buat perusahaan kita..
Amat:iya pa..
Direktur aditz pratama :dan utuh ikam ka proyek pembangunan kantor nang lagi kita kerjakan penyelesaiannya..
Utuh:enggih pa..
(Bagawiannai buahannya)
Udin:ui ding siapa ngaran..
Binian:ulun aluh..
Udin:ding katikakan pang propusal penawaran kaina ka udin traktir makan,wan nuntunan..
Aluh:ukii,asal busnya kadada aja..
(Mangatikakan si aluh,udinnya ba facebookan,sementara amat)
Amat:beuh dari pada aku pusing pusing mamantau lokasi proyek ,baik aku standby di salon creambath nyata hanyut hahay.. (Tulak ka salun)
(Sementara si utuh di proyek)
Utuh:mencor ini diperjanjian kontrak kan harus memakai semen gresik,tapi ini kenapa memakai semen lain pak..
Mandor:sama haja buussai,nang panting jadi..
Utuh:kada bisa pa,ganti lagi pakai semen seharusnya,kalo kada pa mandor sama juga melakukan penyimpangan,dan hasil pian bagawi bukan hasil yang halal,kasian keluarga pa mandor tamakan hasil yang kada halal,semua penanganan proyek diserahkan sama ulun ,bapak akan berkunjung kalo sudah mencapai sekian persen pembangunan proyek ini,mengingat banyak sekali kesibukan..
Mandor:bujur jua,makasih pa nasehatnya..
Utuh:belum pernah disepanjang hidup aku pa ai,memakan sesuatu yang haram,alhamdulillaah sampai sekarang hidup ulun begitu tenang dan nyaman..
Mandor:iya pa saya khilaf..
(selang 4 bulan begawi,direktur mangiyau amat)
Direktur aditz pratama :mat kaya apa gawian ikam..
Amat: mantap pa ai,beres,tapi aku mandangar pa ai,utuh bagawi kada biris jar,aur guring haja,kita lapah bagawi inya santai haja pa ai ma sms gandaknya..(Mancari perhatian)
Direktur aditz pratama :iyakah,ikam kaluar kiyau udin suruh kasini..
(Kaluar amat,udin pulang mahadap)
Udin:ada apa buus..
Direktur aditz pratama :kaya apa gawian ikam..
Udin:nyaman haja pa ai,enjoy,cuma kada bagus lalu nang ngaran utuh tu,gawiannya aur kaluyuran haja,pian suruh ka pruyik bukahnya ka dm mambawa gandak,bahanu ka salun ba pijat..(Nahap muha)
Direktur aditz pratama :mbooh bujur juakah..
Udin:kada percaya pian,lain sowang ni fokus di gawian..
Direktur aditz pratama :sudah ikam bulih kaluar,sekarang kiyau utuh sini..
(Kaluar udin,datang utuh)
Utuh:ada apa pa..
Direktur aditz pratama :kaya apa perkembangan proyek..
Utuh:alhamdulillaah,proyek sudah mulai mencor tihang atas lantai 2,kemarin datang pengawas dari pemko mencek bahan,dan sejauh mana sudah perkembangan pembangunan proyek kita,dan beliau menyatakan puas,insya Allah proyek akan selesai sesuai jadwal 360 hari..
Direktur aditz pratama :iya aku juga mendapat telpon dari pengawas pemko,katanya kerja ikam bagus tuh,rancaklah batamu amat wan udin..
Utuh:kadada pa,ulun kan ditugaskan pian bagawi di proyek,jarang batamu buahannya,tapi ulun yakin haja amat wan udin karyawan rajin dan jujur, kenapa pa..
Direktur aditz pratama:(dalam hati)anak ini baik sifatnya,kadada ambisi handak manjatuhakan urang,maaf tuh aku dangar ikam bagawi aur guring wan kaluyuran haja jar,bujurkah..
Utuh:pa,satu jam haja ulun maninggalakan gawian,sama jua ulun korupsi waktu,dan dari hasil ulun bagawi ada hak pian yang ulun lalaikan,artinya sama jua ulun makan duit haram,jujur pa ai dari lagi halus sampai wayah ini parut ulun, dari anak yang urang tuanya meskipun begitu miskin balum pernah dimasuki makanan nang haram,sebab kami tau salah satu do'a yang tertolak adalah disebabkan makan makanan yang haram..
Direktur aditz pratama :hmm bagus ,aku juga tahu kinerja ikam dilapangan,gosip murahan kaya itu kada langsung kutaguk pang, aku salut wan ikam,mandor bakisah wan aku,bahwa ikam ini pegawai jujur,teruslah begawi..
Utuh:makasih pak..
(Setahun bagawi akhirnya proyek tuntung nang ditangani utuh,sementara gawian amat kadada nang birisnya pusing tarus kapala direktur dapat laporan nang mamauki)
Direktur aditz pratama:(maumumakan)semua karyawan esok ada pengangkatan jabatan,akan ku umumakan siapa yang akan kuangkat menjadi wakilku di perusahaan ini..
(Isuknya bakumpulan seluruh karyawan)
Amat:jalas sudah aku nang tapilih,karyawan teladan coy..(Baagak)
Udin:aku rasa aku pang nang tapilih,katikan propusal aku kadada nang luputnya hehe, amun utuh diangkat kada pang mun diampihi iya hahaha..
Amat:hahaha bujur dinnai..
(Kaluar direktur,lalu mulai maumumakan)
Direktur aditz pratama :selama setahun ini,banyak terjadi penyelewengan kerja di kantor ini,tapi aku bangga,masih ada yang jujur dan berprestasi di antara karyawan yang ada ,dan dia adalah saudara utuh, untuk itu,mulai hari ini utuh kuangkat menjadi wakil direktur di perusahaan ini..
Utuh:alhamdulillaah..
(Baampikan karyawan)
Udin:ai kanapa kada akulah,tabalik utuh..
Amat:beuh utuh main belakang ni,jalas kada biris..
Direktur aditz pratama :di kamera pengawas,bagian controling melaporkan udin bagawi minta katikakan wan aluh, untuk itu,udin wan aluh ku pecat..
Udin:(takalipik)bauh iyaam ada kamiranyakah..
Aluh:asli curut taumpat jua di pecat..
Direktur aditz pratama :dan amat gawiannya aur baurut kapala haja di salon,ada anak buahku memata matai amat,mulai hari ini amat ku pecat,biar banyak waktu gasan ka salun..
Amat:(takalipik)beuh curut di pecat jua aku,amun ini banyakkai waktu kada sing gawian lagi, cuma dumpit kayap cagar kimpis tarus..
Akhirnya utuhlah yang menjadi karyawan teladan,menghindari korupsi waktu.menghindari jadi penjilat ditempat inya bagawi,dalam kehidupan ini urang pintar banyak,tapi nang jujur susah dicari,mudahan kita barataan di berikan Rahmat dan Hidayah Allah sehingga dihindarkan dari sesuatu yang haram,dan labih mautamakan kejujuran
-apa yang dimaksud dengan korupsi waktu, ulun jelasakan sadikit maaf bila kurang sempurna, korupsi waktu adalah menyimpangkan waktu kerja ke hal hal diluar kegiatan kerja tersebut misal pian bagawi dikantur selama 5 jam kerja itu sudah di potong waktu istirahat yang di gajih ni 5 jam kerja pian kali sebulan perharinya 50 ribu misalnya digajih jadi 1 juta 500 ribu sebulannya tapi dalam 5 jam itu kada garing bapadah garing, datang mesti jam 8 jam 11 hanyar datang, dikantor mestinya mengerjakan tugas,ini malah bagayaan wan kawan,bacungkungan di warung,mestinya mengerjakan tugas ini malah maudak komputer ngegame, nah inilah yang dinamakan korupsi waktu, perbuatan ini tetap akan dipertanggung jawabkan di hadapan Tuhan sebab dari waktu yang diselewengkan tadi gajih tatap ditarima 1 juta 500 ribu,sekecil apapun dipandangan Tuhan tetap ada perhitungannya..
Kurang lebihnya admin minta maaf ini sekedar mengingatkan,bekerjalah sebaik baiknya agar hidupmu mulia
Penulis
Fendi ramanda
0 komentar:
Posting Komentar