Panunggu telaga part II
(Mambuka ai utuh ka lawang kimah,malihat binian badiri bapaling baju habang sampai ka batis)
Utuh:siapalah netu..
Abah ijum:(takalipik)haah siapa tu tuh..
Amat:(manggatar)ja ja jangan ha hantuuuuuu..
Binian:(banyanyi)naaa niii naaa naaaa hihihihihi..
Amat:(makinnya manggatar)uwaaaaay haaaantuuuu saaaakuuu..
Utuh:ssst jangan tapi ditunjukakan mat jiwa pangutan tu,kita ini lalaki coooy..(Pidi)
Abah ijum:harau bujur tuhhai,tapi ikam badahulu mamarakilah nang tuha pandudian haja,itung itung ma upur haaku..(Agak)
Utuh:(takalipik)beuh netu maakal ngarannya kimpussai,bapadah haja takutan jua kaya amat..
Abah ijum:surilah takutan,haaku ini tuhhai jiwa pemberani,jangankan hantu mbah kakungnya hantu bila batamu wan haaku kubawa badum..(Agak)
Binian:hihihihihi...(Mangalikik,bapaling satumat)
Abah ijum:(takalipik,dalam hati)akaay matanya manciling..(Manggatar)
Amat:uwaaaay uwaaay asa mandisap bulu awak,ai kanapa lantai ni pina basah..
Utuh:haw ikam takamih di salawarkah mat..(Tanganga)
Amat:(takalipik)beuh kada,cawaiku haja karing..
Abah ijum:u ur ur urang wani na nang takamih bussai, haaakuuu hiih pas inya bapaling matanya manciling malihatku wan pina ada taringnya...(Salawar jutut batis manggatar)
Amat:(takalipik)iyakah abah ijum,hantuuu nyata tuu...(Baragap wan abah ijum)
Abah ijum:batukup muha mat...(Bakintip mata)
Utuh:beuh buahannya ni sakit lalu jadi lalaki,sini aku mandatanginya..(Nahap bajalan)
Amat:(takalipik)gilanya utuh waninya pang mandatangi..
(Pas parak,muha biniannya ampah ka talaga)
Utuh:(manjanaki)hmm ternyata kau cantik juga aaaaniiii meskipun dari samping aku memandangmu..(Gaya film rhoma)
Binian:hihihihi ah biasa aja rhuma hihihihi...(Mangalikik)
Abah ijum:(takalipik)saraf utuh bakiyau anii..
Amat:asli camuh banaran biniannya mangiyau rhuma wan utuh..(Marma)
Suara anjing:guk guk guk guk..(Manyalak)
(Angin mandisir langit makin mangadap,bulan diranting cemara jaaaah ,ta tutup awan maksudnya)
Amat:abah ijum cuba janaki binian netu batisnya pina mangambang..
Abah ijum:harau banaran mattai,hiiiih..(Kabuliyangan)
Utuh:ma apa pian disini ding saurangan..
Binian:hihihihihihi..(Mangalikik)
Utuh:(dalam hati)anih tatawanya pina siwah,kalu aku perhatiakan muha binianni pucat banar,pandangan kusung,wan awaknya bau kambang kuburan..
Binian:(manulih)kanapa kaaa mancangangiku,naksirkah hihihihi..
Utuh:(takalipik,dalam hati)humaa bungas jua ciwi ni,tapi muhanya liwar pucat saulah ulah kadada darahnya..
Binian:apa nang pian lihat ka..
Utuh:kenapa ading gentayangan, tampat ading kada disini..
Binian:(takalipik)hah,jadi pian tahu ulun lain manusia..
Utuh:iyaa ding,sekali lagi kaka betakun kanapa ading gentayangan..
(Mandadak muha binian tadi baubah sangar,matanya liwar tajam,tangannya timbul kuku liwar panjang,bibirnya biru)
Hantu:hihihihihi hua hahahahahaha..
(Makin garancaian cupu abah ijum wan amat)
Abah ijum:bbrrrrrrrr haduuuh asa kada kawa bagarak la lagi a aw awakku..(Baragap banar wan amat)
Amat:haduu uuh lamah lintuhut ku, naaah takamih pulang haaaku...(Manducur kamih)
Abah ijum:ai sama matai..(Jutut pulang salawar takamih)
Hantu:pian kada takutankah wan akuu,buahan tarkul di balakang haja sampai takamih kamih hiiihihihihi..(Cangang banar wan utuh)
Utuh:kenal haja hanyar ini,mangganggu pian kada,apa nang ditakutanakan,justru aku batakun kanapa pian datang mangganggu kami..
Hantu:hihihihi ini tampatku,aku panunggu talaga ni, bila ada nang kada supan pasti ku ganggu..
Utuh:siapa nang sudah berlaku kada supan disini..
Hantu:buahanmu nang sudah baprilaku kada supan..(Manciling mata)
Utuh:hmm aku merasa kami kada baulah macam macam..
Hantu:sudah salah ngeyel lagi..
Utuh:(takalipik)akayy ngeyel jeyy..
Hantu:pian malihatlah itu ada puhun kariwaya,siapa nang sudah mangamihi puhun netu,itu tampat aku bataduh...(Liwar sarik)
Utuh:(takalipik)beuh aku kadada bakamih..
Hantu:takuni kawan ikam siapa nang sudah mangamihi puhun kariwaya,kamihnya bau jariing pina kalaaat..(Takicing)
Utuh:(takalipik)ayaya ai beuh iyakah ,ui mat,abah ijum siapa tadi nang mangamihi puhun kariwaya..
Amat:aku kada tuhhai..
Abah ijum:aku nang bakamih tuhhai,imbah datang tadi asa kada tahan lagi,kada sawat parmisi bakamihai haaku..
Hantu:(takalipik)cucuk kamih liwar bau,pamuda jaman bahari nang bakamih sakalinya,saluran batagar sudah..(Takicing)
Abah ijum:(takalipik)curut dihapaknya haaku..
Utuh:hehehe..
Hantu:sudah datang kada parmisi,mangamihi wadahku, tatawaan kada baingat,guring mangaruh sing nyaringan ha pulang,iyaa banar bunyi kalahar pacah liwar gaduuuh...
Utuh:(takalipik)jaaah iyakah, atas nama kawanku wan aku pribadi,aku muhun maafakan kami mun kada tahu aturan disini..
Hantu:terlambat..(Lantang bapandir)
Patir:duuuuuuuuuuuuuuuuaaarrrrrrrr..
Hujan:tik tik tik tik tik..
(Alam berubah, hujan turun, wan patir menyambar nyambar ,Tiba tiba haja banyu ditalaga baputar maulak kaya pusaran liwar ganal)
Hantu:masuk ikam,baaaak...
(Manyipak utuh)
Utuh:adaaaaaaw..(Tacabur,masuk kadalam pusaran banyu)
Amat:(takalipik)hah utuh gugur ka banyu..
Abah ijum:ayu mat kita tulungi utuh..
Amat:(manggatar)brrrrr aku asa kada wani abah ijumai..(Liwar pancat)
(Hantu tadi bahilang timbul wadah amat wan abah ijum,maingkuti ka gulu baju buahannya)
Hantu:hmm ayu tarkul datangi kawan sa habitat ikam,hiaaaaah..(Manimbai)
Amat:byuuuuuuurrrr (tacabur)
Abah ijum:aaaaaaaa,byuuuur.. (Tacabur)
(Abah ijum wan amat,tinggalam ka banyu masuk dalam pusaran banyu)
Hantu:hihihihihihi huahahahahahahahaha...(Tatawa banar)
(Bagaimana kisah salanjutnya,apakah utuh,amat,wan abah ijum mati tinggalam)
Mun dikatujui haja,kusambungakan kaina, muhun maaf hanyar ta posting lanjutannya,takana auran hanyar datang dari palangkaraya
Penulis
Fendi ramanda
0 komentar:
Posting Komentar