Panunggu telaga
(Kisah ini berawal saat utuh wan amat ,abah ijum kamping ke pagunungan nang di bawahnya ada telaga yang mengalir)
Siang itu
Amat:sampai jua akhirnya kita kasini buahannyalah ,wuiiih pamandangannya mantaaaaap..
Abah ijum:haaaku jadi kaingatan bahari mattai waktu bapacaran,bakayuhan wan jukung di talaga ni wan gandakku,rahatan asyik banyanyi dueet wan harim miris jukungnya..
Amat:(takalipik)curut netu kanang kanangan situkah ,kisah di film rhumakah barkalana..
Abah ijum:jah iyaa garang,hadang dulu maingatakan..(Bapikir)
Utuh:masih hajalah mau utak maingat ingat abah ijum,secara utak pian sudah liwar tuha hahaha..
Abah ijum:(takalipik)lingu nyata ai kawa, ai lain nang bajukungan mattai kanang kananganya pas disini, nang bujur waktu itu,aku rahatan basasahan wan gandakku,pas batisku tajajak tahi lincung..(Nganga nganga)
Amat:(takalipik)akayy,jadi nang rahatan banyanyi dijukung pas miris jukungnya siapa pang abah ijum..
Abah ijum:nang ikam sambat tadi pang haji oma irama di film berkelana..
Amat:saraf jauh lalu wan kisah saurang..
Abah ijum:kada ingat lagi aku mattai,asa saurang pang nang bajukungan sualnya bahari aku ba jabis jua..(Agak)
Amat:(takalipik)beuh bujur juakah..
Abah ijum:nah kada parcaya sidin, cuma aku kada ingat lagi pang lagu haji oma nya nang rahatan bajukungan tu..
Utuh:aku tahui lagu nang dinyanyikan oma irama wan ani nang rahatan bajukungan..
Abah ijum:kaya apa tuh lagunya,aku kada ingat lagi nah..
Utuh:kalu kada salah judulnya PANTUN CINTA lagu oma tu, banyak bunga ditaman.. Hanya satu ku petik.. Banyak anak perawan..cuma adik yang cantik..!!banyak buah semangka..dibawa dalam sampan.. Banyak anak jejaka.. Cuma abang yang tampan..
Amat:mantaaap..
Utuh:hehehe,umung umung napa nang kita gawi nih..
Abah ijum:sadangai kita bapasang kimah tuhhai hari parak kadap..
Utuh:imbah itu ampar tikar,surung makanannya,kita makanann dulu..
Amat:yo i meeeeen..(Himung)
(Mamasang kimahai buahannya,ampar tikar hanyar makanan,imbah tuntung santai buahannya)
Abah ijum:haaku katuju banar bapatualang kaya ini tuhhai,bahari haaku di galari the king adventure..(Baagak)
Utuh:mboh bujur juakah..
(Kada lawas)
Abah ijum:tuuuuuuut atuuuuuuut buuuuus..(Bakantut)
Utuh:(takalipik) curut bakantut abah ijum nih..(Bapicik hidung)
Amat:huuumaaa bau hariiing..(Bapicik hidung)
Abah ijum:aduuuh asa kambung parutku buahannya ai,masuk angin saku..(Takaradut muha)
Utuh:pina musti mangaku raja patualang,kana angin daras haja balaluan kambung parut..
Abah ijum:untung babawa balsam ih..(Mangasai ka bujal)
Utuh:kimpus haja buyyitnya tapi kantut raja sangak..(Takicing)
Amat:hahahaha..
Utuh :ayu sudah kita guringan dulu ,malam kaina kita baulah api unggun sambil bagitaran..
Amat :wah mantaap tu..
Abah ijum:bawa guring ha jua nah kalu mau ampih sakit parut..
(Barabahan buahannya kada lawas taguringan sampai malam banar,samar samar tadangar)
Suara anjing:auuuuuuuung hooooooong guk guk guk guuuuk..(Manyalak)
Burung hantu:krukuk krukuk krukuk..
Utuh:(tabangun)haah,waduuh sudah malam banar,ei buahannya bangunan..(Manggarak)
Abah ijum:(tabangun)napa tuh manggarak..
Amat:(tabangun)tahu utuh ni nyaman nyaman guring digarak..
Utuh:cuba dangari suara napa tu..
Suara anjing:auuuuuuuuung guuk guk guk guk..(Manyalak banar)
Burung hantu:krukuk krukuk..
Amat:hah suara anjing manyalak wan burung hantu..(Muha tagang)
Abah ijum:pinanya anjing tu ada nang disalaknya,napakah nang dilihatnya..
(Samar samar ada suara urang banyanyi)
Binian:na ni na na.. Na ni na naaaa hihihihi..(Mangalikik)
Amat:(manggatar)su su a ra si siaaa pa tuuu..
Abah ijum:pina suara babinian..
Utuh:(dalam hati)aniih malam malam kaya ini di kawasan talaga ada suara babinian..
(Mambuka ai utuh ka lawang kimah,malihat binian badiri bapaling baju habang sampai ka batis)
Utuh:siapalah netu..
Abah ijum:(takalipik)haah siapa tu tuh..
Amat:(manggatar)ja ja jangan ha hantuuuuuu..
Binian:(banyanyi)naaa niii naaa naaaa hihihihihi..
Amat:(makinnya manggatar)uwaaaaay haaaantuuuu saaaakuuu..
(Siapakah yang dilihat buahannya,apakah yang akan tarjadi nantikan lanjutannya esuk malam mun dikatujui)
Penulis
Fendi ramanda
0 komentar:
Posting Komentar