Komunitas WawaLuhan

15 September pukul 19:01 ·

Imbah mangarja'i Cupit di bis puLau Indah Jaya jurusan Banjarmasin - Samarinda (baca post sabaLumnya), Utuh ALkaLine (baLahan arab hamuntai) bajuaLan kain dipasar hamuntai, kain nang dijuaLnya nih kain kain bawaannya matan arab pas jadi TKI 5 tahun nang LaLu.
"Pur saL pur saL, ubraL ubraL, kain mada in arab dijamin kada Luntur" jar Utuh kuciak kuciak..
Mandangar Utuh kuciak kuciak bajuaLan, banyak ai urang baparakan tamasuk AciL Ugas mamiLih miLih kainnya..

AciL Ugas : (batakun) BujurLah nih matan Arab?
Utuh : Bah ba'apa aku bakaramput, tuh baca dicapnya MADE IN ARABIAN
AciL Ugas : Sreeetttt (narik indruk nang handak LuLui) (Lu badangkak ai mamiLih kain) Kain nangini barapa?
Utuh : (ba'agak pakai Lugat arab) KaLau sama ente ane kasih murah haja
AciL Ugas : Pasti La ni dijamin kada Luntur?
Utuh : Nih ciL baca dicap nya nih 'DIJAMIN TIDAK LUNTUR'
AciL Ugas pun Langsung manukar..
Sampai dirumah sabaLum handak dipakai, AciL Ugas manapas kain tarsabut..
Hanyar dirandam kainnya pun Luntur.. AciL Ugas pun amuk "kurang hajar bidawang karing badusta panjuaLnya nih awas kam isuk kudatangi"
Isuknya, datangai AciL Ugas nih kapasar nunti Utuh, hanyar sampai Langsung ditawari Utuh..
Utuh : Hai CiL, ente handak nukar kain ane Lagi kah, ane kasih diskun sapasiaL
AciL Ugas : Kadaaaa (amuk) sreeetttt (maungkai parang panjang)
Utuh : Ai napa ente amuk ha..
AciL Ugas : Ikam jangan badusta bajuaLan Lah, nih kain nang kutukar sumaLam Luntur, maka dijamin kada Luntur jar.. Handak ku timpas kah ikam?
Utuh : Sabar sabar, ente sabar Lah duLu.. Ane kada badusta, ni kain ada bacaannya DIJAMIN TIDAK LUNTUR (sambiL manampaikan bacaannya) Nah karna kain ngini uLahan arab, maka mambacanya harus dari kanan kakiri, jangan matan kiri kakanan..
AciL Ugas : Srrertttt (Langsung pingkuk parang)
Jaaahhhh Dientu HuLu
ULun Bangga Jadi Urang Banjar
[Boys]