Tangisan tengah malam
(Kisah ini berawal)
(Utuh wan abah ijum datang nuntunan)
Abah ijum:lucu lalu tuhlah sing jauhan batuntun layar tancap sudah filmnya kaya kantut handak hujan pulang arinya..
Utuh:asli banaran mulai pamulaan sampai habis batalu haja bintangnya,aur tirur manirur kisahnya,musiknya maka am ma anduy anduy..
Abah ijum:iih,ku kira tadi film rambu sakalinya kaya kantut nang dituntun,maka malam banar bulik..
Utuh:waduh abah ijum,bulik ni kita maliwati jambatan nang ada puhun bambu netulah..
(Tamandak)
Abah ijum:harau hanyar haja ingat,malam samalam pa aditya imbah bulik saruan ditamui hantu jar,asalnya sidin malihat binian manangis,imbah diparaki sidin bapaling binian tadi sakalinya kada bamuha jar tuhhai hiiiih ngeriii..(Kabuliyangan)
Utuh:iya ai,ulun mandangar jua buahan warga bakisahan..
Abah ijum:harau timbul gair tuhhai liwat jambatan netu..
Utuh:santai haja abah ijumai,kita kada mangganggu jua,ayu..(Bajalan)
Abah ijum:ayuai..
(Pas semakin parak jambatan,tiba tiba)
Anjing:auuuuuuuung hoooooong guk guk guk..
Burung hantu:krukuk krukuk krukuk..
Abah ijum:(takalipik)homa suara anjing tuh wan burung hantu,liwar ngeri..(Manggatar)
Utuh:asli banaran abah ijumai..
(Pas pandangan buahannya tatuju ka jambatan)
Binian:hiks hiks hiks huuuuuuh..(Mauyun manangis)
Abah ijum:(takalipik)tu tu tuh a ad ada bi binian manangis..(Manggatar)
Utuh:(takalipik)waduh as as asli banaran ..(Manggatar cupu ideal)
Binian:(muha batunduk)kaa kasini kaaaaaa hiks hiks..(Mangiyau)
Abah ijum:ba ba bakiyau in inya tuh..(Kada sing garakan awak batis manggatar)
Utuh:(dalam hati)huuma bau kambang kambuja..
Abah ijum:(dalam hati)haw pina babau kambang kuburan...(Pucat muha)
(Pas bapaling biniannya,liwar takajut utuh wan abah ijum)
Binian:kAkA antarakan ulun bulik...
Utuh:(takalipik)hah hantuuuuuuuuuu...(Bukah banar)
Abah ijum:(takalipik)mu muhanya ka kadada hantuuuuuuuuuu...(Bukah banar)
Binian:hihihihihi hahahahahaha...(Mangalikik)
(Kada katanahan utuh wan abah ijum bukah tatawa banar hantunya)
Abah ijum:tu tu tuh aku badahulu..(Masuk rumah)
Utuh:curut sampai sudah inya ,aku masih jauh ih..(Bukah)
(Pas rahatan bukah saurangan,datang hantunya dari atas mahadang jalan utuh)
Hantu:hihihihi mau kemana tuh..
Utuh:(takalipik) wa wa waduuh dihalanginya..(Manggatar)
Hantu:tuuuh aku kada akan mangganggu ikam,tulung aku tuh..
Utuh:bu bu bujurankah,ja ja jangan ba badusta lah kaina di ta tak malaikat i ilat ikam..(Hungang,batis manggatar)
Hantu:hihihihi yaa tuuuh..
Utuh:minta tulung apa bu bu buuuuuus..(Nganga nganga)
Hantu:antarakan aku bulik tuuuh,aku tasasat sudah 10 hari bagana di jambatan tu hihihihihi..
(Tiba tiba hari hujan)
Hujan: tik tik tikitik ki bom bom tik kitik ki bom bom..(Bunyi labat)
Anjing:auuuuuuuuuuung hooooooong guk guk guk guk..
Burung hantu:krukuk krukuk..
Utuh:(dalam hati)waduuuuh ngerinya suasananya,bahujan pulang,anih kenapa hantu ni handak minta antar buliklah..
Hantu:kaya apa tuuuuh mau kada..
Utuh:kamana garang bulik..
Hantu:ke hati pian yangai hihihihihi..
Utuh:(takalipik)beuh curut diwaluhinya haaku..
Hantu:ayu sama sama tuh..
Utuh:ayuuu..
Utuh&hantu: tunggu selalu cerita cerita dari admin fendi ramanda,kisah nang basambung,cinta dan siwaaah wan kisah wawaluhan dari admin kowa lainnya hanya di KOMUNITAS WAWALUHAN, dadaaaaaaaaaaaaaaaah...
Penulis
Fendi ramanda
0 komentar:
Posting Komentar