Utuh yang beruntung part II
Utuh:anak kita cantik sekali ding,kaya mamanya..(Maragap mata babanyuan)
Mylinda:hmm syukurlah anak kita lahir dalam keadaan sehat,tapi perlengkapan bayi kita kada baisian ka..
Utuh:Kasiannya dinglah,nang halus ni,sudah lahir langsung ikut penderitaan kuitannya..(Titik banyu mata)
Mylinda:(manangis jua) sabar haja ka ai,Tuhan pasti punya rencana indah buat kita..(Kada putus harapan)
Utuh:isuk kaina ka utuh cucubaan mainjam duit wan warga..
(Isuknya utuh cucubaan mainjam duit,pertama wadah amat wan udin)
Amat:apa mainjam duit,pakai apa ikam bayar tuh,pakai akar banihkah..
Udin:hahaha kada pakai itu pang tuhlah,cuma pakai duit cabutan,atau kartu dum gkgkgk..
Amat:pakai duit cabutan bahadiah kartas mainan ular tangga ha pulang jar dinnai hehehe..
(Bajauh utuh bagamat)
Udin:muha pina maras,iya banar kaya paisan walut gkgkgk..
(Datang pulang wadah nini kulimbit landu)
Nini kulimbit landu:amun duit aku kada baisi tuhhai,tapi kalu kehormatan yang sudah second ada aja pang,basambunyi dalam tapih hehehe..
Utuh:(takalipik)homa nii ,ayuha makasih haja..
Nini kulimbit landu:arjuuuun jangan kau tinggalkan aku...(Kaya lagu)
(Singgah pulang wadah abah ijum)
Abah ijum:duit nukar ruku haja kada mayu tuhhai,paksa bulu jagung digulung diulah ruku,dari pada tukil masam..(Maras jua)
Utuh:hehehe kada papa..
(Singgah pulang wadah aluh)
Aluh:bungas kalu handak mainjam duit,pancangan barilaan parai..
Utuh :nang ngaran hutang tu luhhai pasti ku bayari namanya kewajiban,pas mangatam kaina ku bayari..
Aluh:beuh indah aku,timbul taumpat miskin jua aku duitku ta kawadah ikam,amun nang sama baduit bulih haja bainjaman wan aku ni,amun kaya ikam tulung jangan parak paraklah..(Sinis)
Utuh:(takalipik)homa luh, begitu rendahnya kah luh aku ni dimata ikam,sampai sapadas itu pandiran ikam,mudahan Allah mengangkat derajatku lantaran hinaan hinaan urang kaya ikam ni luhhai,permisi..
(jalan pulang utuh,rahatan galau malihat urang pakai mobil tamandak dipinggir jalan)
Utuh:muturnya kanapa pa,maaf kenalkan ngaran ulun utuh..(Basalaman)
Roy sandi :uuh aku roy sandi ,ini nakkai kemirisan ban,ada paku nancap..
Utuh:tambal ban jauh dari sini,tapi kada papa,pian bisa malapas bannya pak,kaina ulun nang mambawa ka tukang ban..
Roy sandi :uki kalu kaya itu..
(Imbah dilapasnya ulih roy sandi ,dibawa utuhhai ka tambal ban,kurang labih sejam datang utuhnya,dipasangai)
Roy sandi :makasih banar nakkai,ini ambil gasan anak..(Manjurung duit)
Utuh:niat ulun handak manulungi haja pa ai,kada handak minta imbalan,makasih..(Bulik)
Roy sandi :(gagarunum)baik banar anak netu,siapalah..(Bulikai,langsung kakantur,bakiyau karyawannya)
Dhani ahong :ada apa pa..
Roy sandi:dhani ahong dan kamu adie cdl ,aku perintahkan kunjungi desa wawaluhan,cari tau tentang urang bangaran utuh..
Adie cdl :kalu bulih tau siapa dia pak..
Roy sandi :dia anak baik wan handak kuangkat jadi anakku ,inya bisa mengepalai perusahaan cabangku karena kejujurannya, segera berangkat..
Adie &dhani :(baimbai) baik pa..
(Langsung tulakan,batakunai dhani wan adie)
Amat:uuh nang urangnya termiskin di dunia tu kah,adaai di pinggir pahumaan rumahnya..
Udin:hati hati dumpit kalu dicupitnya pas bailang bussai..
Adie cdl:macam macam haja,ikam tahulah utuh tu handak diangkat ulih busku jadi anaknya pak roy sandi ,ayu dhan kita kesana..
Dhani ahong :uki..
Udin:(takalipik)hah kada salah dangarlah aku tadi yu mat..
Amat:roy sandi tu pengusaha mobil kalu,lain utuhnya kalu dinnai..
(Pas dhani wan adie sampai langsung disambut utuh)
Utuh:maaf hanya banyu putih..
Adie cdl :kada papa,tuh bungasnya anak ikam,kaya umanya..
Utuh:alhamdulillaah inilah harta berhargaku..
Dhani ahong :kenapa kada dipakai gurita,batutup tapih haja..
Utuh:hmm lagi balum dapat rejeki haja..
Adie cdl :(dalam hati)marasnya utuh ni..tuh ikam percaya kalu rejeki dari Allah bisa datang melalui tangan manusia mana haja..
Utuh:iya..
Adie cdl :ambillah ini duit separo gajihanku gasan anak ikam..
Utuh:jangan mas kada usah..
Dhani ahong :sama tuhhai,ambil jua saparo gajihku gasan anak ikam..
Utuh:waduh kaya apa kisahnya ni..
Adie cdl :biarkan kami mencari ridho Allah melalui sedekah gasan kaluarga ikam tuh..
Dhani ahong :ambil tuhhai hiks hiks..(Manangis)
Adie cdl :ai kanapa ikam manangis dhan..
Dhani ahong :aku terharu adie ai,biasanya aku handak bahutang duit nukar mie ayam wan ikam gin bahanu ikam junggingi buyyit saking engkennya ,ini ikam liwar baiknya..
Adie cdl :dhani asa mandisap bulu awak nah..(Baragapan batatangisan)
Mylinda:(takalipik)ai kanapa maka manangisan..
Dhani ahong :ayu die kita bulikan,aku handak bahimat manangis dirumah,huwaaaa..
Adie cdl :nahma dhan huwaaa..
(Bulikan,bakisah wan roy sandi)
Roy sandi :karena ikam badua sudah babuat baik,gajih wan jabatan buahan ikam aku naikakan..
Adie cdl :huriiiii asyiiiiiik..
Dhani ahong :masya Allah,sedekahku langsung di ganjar wan rejeki nang labih banyak,yihaaa..
Roy sandi :esok bawa utuh wan anak bininya karumahku..
Adie&dhani :ukiii buuus..
(Isuknya utuh wan mylinda dibawa kerumah roy sandi)
Utuh:hah bapak Semalam kalu ni..
Roy sandi :iya tuh,mulai hari ini ikam ku angkat jadi anakku, anak pengusaha mobil terkaya di banjarmasin..
Utuh:tapi pa kada pantas ulun..
Roy sandi:lebih dari pantas tuhhai,ikam anak yang baik, mulai hari ini ikam belajar cara menjalanakan perusahaan,dhani dan adie anak buah kepercayaanku nang akan membimbing,kaina ikam ku angkat menjadi manager ,bangun rumah di kampung ikam semewah mungkin,sebagai hadiah dari abah ikam ni..(Manusia sugih tapi dermawan)
Utuh:(basujud)Yaa Allah engkau Maha Kaya,dan berkehendak,bisa dengan mudah memutar balikkan nasib manusia kapan saja,dan dengan cara yang diluar logika manusia, subahanallaah walhamdulillaah, ading kiranya ini jawaban dari do'a do'a kita..(Maragap bini wan anak)
Mylinda:ka utuh mimang manusia yang beruntung..(Manangis)
(Sejak itu nasib utuh,mulai berubah,utuh wan bininya tinggal di kontrakan mewah,dan rumah sedang didiriakan di kampungnya)
Udin:rumah siapalah nang dibangun netu liwar ganal..
Amat:iih dapurnya haja sama wan rumahku,bakulam renang ha pulang..
(Pas tuntung,baundangan takajut barataan warga)
Utuh:terima kasih sudah hadir di rumah kecil kami..
Aluh:ai rumah utuhkah ni,sugihnyalah..
Udin:paling mangaji sugih..
Roy sandi :assalamu'alaikuum..
Amat:netu pa roy sandi kalu,bos dealer mutur nang liwar sugih..
Roy sandi :malam ini saya umumkan juga,selain rumah ini buat anak angkat saya utuh,saya sampaikan bahwa mulai hari ini utuh saya angkat menjadi manager diperusahaan saya,untuk membantu saya dalam menjalankan perusahaan..
Aluh:tidaaaaaak..baaaaaaak..(Siup)
Abah ijum:han siup sidin,marasa meremehakan hidup urang..
Amat:(takalipik)utuh jadi anak angkatnya pa roy sandi kah,basugihlah utuh,aduuh dadaku sakit asa manyasak nah,kicaap mana kicaaap eh obat tuh..
Abah ijum:genjer haja gin matlah,genjer memakanlah genjer hehe
Amat:mauk abah ijum nih,aduuh liwar sasak dada..
Abah ijum:amun sasak dada diuntal ubat panau mattai kalu mau ampih gkgkgkgk..
Amat:(takalipik)lingu apa hubungannya..
Abah ijum:ikam tu siwah kalu manusianya jadi mun maubati panyakit ikam ubatnya harus siwah jua hahaha..
Amat:(takalipik)lingu dihapaknya,waduuuh asa manyamak dada kalah sugih sudah haaku..
Udin:waduuh,kada kawa mahapaki utuh lagi,kalah pamor jagoannya,uma barat balaluan kapala darah tinggiku kumat, akay akay asa raum panjanak,satruk handak datang mudilnya..(Bapusut kapala)
(Isuknya utuh wan mylinda bailang karumah kuitan mylinda,takajut banar kuitannya)
Mylinda:maa,baaah..(Basalaman)
Abah mylinda:kada salah lihatlah aku,mercy siapa di pakai tuh,yang halus ini siapa...
Mylinda:mobil kami bah,ka utuh diangkat jadi anak ulih pa roy sandi,dan ini ayu anak kami..
Uma mylinda:(takalipik)hah pengusaha mobil netu..
Mylinda:iya ma,ka utuh jadi manager di perusahaan roy sandi..
Uma mylinda:uway uway baiknya nasib ikam tuh,kanapa kada bakisah beranakan,mama wan abah kan bisa mengirimakan duit,wan pakaian buat cucu kami,naning ninang ningku naning ninang ningku...(Kisah peduli,manggindung ka cucu)
Utuh:kami kada handak mariputakan..
Abah mylinda: tuh ikam ternyata minantuku yang ruaaaaarrrr biasa..(Maragap utuh)
(Kini utuh hidup bahagia wan kaluarganya,bila utuh lalu pakai mercy,buahan warga nang rancak mahina batunduk asa supan)
Inilah realita hidup,bahwa Tuhan maha berkehendak atas nasib hamba Nya,bisa dengan mudah merubah nasib seperti merubah siang dan malam, kehidupan penuh duka dan susah berganti kebahagiaan dan suka cita
Inggan situ dulu,kisah utuh yang beruntung,sampai jumpa lagi di kisah lainnya
Nang handak menjalin tali silaturrohiim wan admin,saling begbagi dan tegur sapa invite pin: 22E98625
Penulis
Fendi ramanda
0 komentar:
Posting Komentar