kuntilanak
Amat:ikam adalah tuh mandangar habar di jambatan ujung gang tu rancak cungul hantu binian mangganggu urang nang lalu..
Utuh:iyakah mat,bungaslah jar..(Hungang)
Amat:wuiih manurut kisah bungas pang tapi bataring hiiiih ngeri..(Kabuliyangan)
Udin:beuh amun bataring ha mattai,unda waniai asal kada maanu haja hantunya..
Utuh:beuh udinni pandirnya haja,sudah bukah palajunya..
Udin: ayu kita tangkap malam ini hantunya,unda ulah gandak..(Baagak)
Amat wan utuh: ukiiiiiii...
(Singkat kisah malamnya tulakkan buahannya ka jambatan nang bahantu netu,gerimis hujan,suara anjing)
Auuuuuuuuuuung hoooooong guk guk guk..
Amat:hiiih ngerii dinnai..(Baingkut ka baju udin)
Udin:unda kada ai ah takutan,santai aja unda..(Batis manggatar banar)
Utuh:kana gampa bumikah tanah nang ikam jajak din,pina bagarak banar lintuhut hahaha (mahapak)
(Tiba tiba haja,di pinggir jambatan ada binian bakarudung,turun ampah ka batang)
Amat:tuh tuh tu hantunya ampah ka batang..
Utuh: unda tangkaap..
(Bukah banar utuh manyasahi)
Udin:beuh wani jua tungau tu wan hantulah..
(Imbah sampai ditangkapnya ulih utuh,takalipik utuh pas bapaling)
Utuh:akayy baapa pian disini ni..
Nini kulimbit landu:hahay a a utuh dasar setialah buang hajat haja aku diganii..
Utuh:(baak manyipak,tacabur ka banyu) bawa barandam haja situ..
Nini:(naik katabing)brrrr dingiiiin puruuun utuuuh niii unda ditinjak tacabur kabanyu..(Hancap bulik)
Kada lawas timbul hantu pocong
Pocong: Hihihihihihihi
Utuh:mat itukah hantunya..
Amat:(manggatar)la la lainn tu tu tuhai,netu po po cong hiiih..(Kabuliyangan)
Udin:hiiih seram hantunya..
(Didatangi utuh hantunya disipaknya ulih utuh buyyit pocong)
Utuh:mauk ni manakutani unda haja,bajauh sana bajalan sudah kada bisa, luncat luncat,muha kada bungas ha pulang,dasar kakidasan..(Bamamai)
Pocong:(takalipik)akayy hanyar ini unda dimamai manusia,beuh satris lalu bajauh ha..(Bahilang)
Amat:gkgkgkgkgk..
Udin:hahahaha..
(Mangakak tatawaan amat wan udin)
Amat:wuiih parcaya aku dua utuh ni,buyyit pocong di tinjaknya..
Udin:dasar wani utuh ni,raja aa nih..
(Kada lawas timbul hantu babinian,baju putih juntai katanah,rambut panjang, tatawa,kuntilanak)
Kunti:hihihihi, ui jaruk ba apa buahan ikam disini..(Mata manciling)
Amat:tu tu tuh ne netu han hantunya..(Manggatar)
Utuh:akay akay akay bungasnya..
Udin:(takalipik)saraf hantu dipadahakannya bungas hiiiih..(Kabuliyangan)
(Baparak utuh pas bahadapan)
Utuh:wuiih gigi kawan balabihanlah,bungas pulang (mangibit ka dagu)
Kunti:(takalipik)akayy waninya nih,kada takutankah wan aku,mangibit ka dagu..
Utuh:hehehe napa nang ditakutanakan muha kaya kimus..
Kunti:(takalipik)lingu ikam malihatlah batisku kada manjajak tanah..
(Amat wan udin nang malihat manggatar,bibir biru pucat liwar)
Amat:ayu din bukahan..(Bukah banar)
Udin:beuh takamih disalawar haaku..(Bukah)
Utuh:pina mangambang pang,lajari pang bus kaya itu..
Kunti:kulir unda hihihihihi..
Utuh:ai manisnya tatawa,ui kunti kita acaiankah..
Kunti:(takalipik)umaa satrisnya nih unda maka dibawai pacaran,unda ni hantu jarukkai..
Utuh:mboooh bujur juakah,tapi mudil panampilan iyaa pang,umung umung ini bajukah urus tilamkah pina panjang..(Hungang)
Kunti:(takalipik)nyata ai baju..
Utuh:uuh ku kira karung nangka gkgkgkgk..
Kunti:(takalipik)saraf mahapak banar,uii balalang sambah aku ni hantu bujuran..
Utuh:beuh, apa bidanya wan aku kalah di taring haja,kaina aku kikir gigi ikam ampiham jadi hantu..(Hungang)
(Timbul pulang pocong tadi)
Pocong:kunti kacak gulunya nyaman jara..
(Sarik utuh,diambilnya batu ditawaknya pas kana dahi)
Utuh:bajauh sana mahaur urang pacaran haja nih,wuuuussh..
Pocong:baaak, aduuuh dahiku ditawaknya,asli satris lalu.. (bahilang)
Utuh:mauk banar mahaur haja,kunti ikam unda ciumlah..
(Manyurung bibir luncup handak mancium,brak tacabur badadua)
Utuh:beuh tacabur aku
(Bakunyung ka tabing ,kuntinya tarabang)
Kunti:asli satris nih,handak mancium kada baingat dihiga jambatan,iya tacabur kalu hungang hihihihihi..
Utuh:sudah jadi hantu batingkah pulang bajauh sana kita putus,baaak.... (Manyipak)
Kunti:(takalipik)akayy manyipak sidin,pabila bilakah pacaran putus ujaah..
Utuh:kada sudi aku berpaling lagi,aku kaciwa aku kaciwaaa (bukah banar bulik)
Kunti:(takalipik)akay kaciwa jeyy ,dasar satris hanyar ini aku batamuan wan manusia anih hihihihi..(Tarabang)
(Bahilang kuntinya,bulik utuh karumah kada handak lagi manamui hantunya kaciwa jar utuuuh)
Inggan situ dulu,hati hati bisa jadi dia ada dibelakang anda hihihihihi
Penulis
Fendi ramanda
0 komentar:
Posting Komentar