Baingun Sapi

Komunitas WawaLuhan

12 Juni ·

Anang wan Utuh masing masing baisi saikung saurang sapi. Buhannya nih Lagi mangambaLa sapi. SambiL maLiLihat sapinya makan kumpai sambiL bapandiran dibawah puhun..
Anang : Hmm.. Mun diLihat matan hadapan, sapi kita nih kada ada bidanya..
Utuh : Hiihh bujur jua Lah, jangan jangan kainah sapi kita bisa tapahurup.

Anang : Aku ada akaL.. Kayapa kaLu ikam tatak haja sabaLah taLinga sapi ikam tu Tuh'ae? Jadi kita kawa mambidakan..
Utuh : Bujur jua Lih!!!
Akhirnya Utuh pun manatak taLinga sapinya sabaLah..
Anang : Nah akhirnya sapi kita sudah bida dan kada harapan tapahurup Lagi..
Utuh : Bujurr!! Tapi mun diLihat matan baLakang tatap haja sama..
Anang : Bujur jua Lih, jadi kayapa nih??
Utuh : Kayaini haja, karna sapi ampunku sudah ditatak taLinganya, kayapa kaLu sapi ikam puLang nang ditatak buntutnya..
Anang : Okee satujuu!!
Dan ditatakLah buntut sapi ampun Anang..
Anang : Wah akhirnya sapi kita sudah babida hadapan baLakang, dan kada harapan tapahurup Lagi..
Utuh : Hiihh.. Eh kayapa kaLu kita tes huLu. Tu ada anak SD LaLu.
KaLu anak SD haja kawa mambidakan, apaLagi urang tuha, ya kaLu!!
Anang : Bujur jua Lih.. Hayu kita hiyau anak SD itu..
Anang & Utuh : Nak, kawaLah ikam mambidakan kadua sapi itu??
Anak SD : JaLas haja kawa..
Nang saikung warnanya putih, dan nang saikungnya warnanya habuk!!
Anang & Utuh : #*@&@#*U?!#@#*&
Jaaahhhh...
[Boys]